Chapter 47

Napatakbo ako kaagad sa bathroom ko dahil nag-iba ang takbo ng sikmura ko. Napaupo ako kaagad sa tiles at nagsuka sa bowl. Nanghihina ako roon at halos maramdaman ko ang panginginig ng katawan ko. Duwal lang ako nang duwal doon kahit na wala namang lumalabas doon. Nang matapos ako ay kahit na nanghihina ang katawan ko ay pinilit kong tumayo para makapaghilamos.

Namumula ang mga mata ko dahil halos maiyak ako sa pagsusuka. Normal na sa akin ito dahil ganito naman ako noon pa kapag nilalagnat. Napabuntong hininga na lang tuloy ako roon at nagpasiya na maligo na lang din dahil naroon na rin naman ako sa loob ng bathroom.

Sandali lang akong naligo roon dahil natatakot ako na baka mahilo ako roon kaya naman nagbihis na lang ako ng comfortble na damit at muling nahiga sa kama ko. Halos hindi ko nagalaw ang pagkain na inihanda para sa akin nila Mommy at natulog na lang ako roon. Nagising naman ako kaagad dahil may tumawag sa phone ko kaya kahit na wala ako sa mood na sumagot ng mga tawag ng