Chapter 57

CHAPTER 57

HABANG naghihintay na dumating si James, nakatuon lang ang atensyon ni Anastashia sa kanyang hawak na menu. Nasa dining area siya ngayon ng hotel. Alam naman niyang mabilis lang siyang mahanap ni James dahil nasa kaliwang bahagi lang din ang dining area ng hotel.

Hindi niya maiwasang mapatingin-tingin sa kanyang kaliwa at kanan. Hanggang sa napagdesisyonan niyang tumayo na muna para pumunta siya ng banyo.

“Bakit parang may nakatingin sa akin?” bulong na tanong niya sa kanyang sarili.

Nang makaupo na kasi siya kanina ay naramdaman niyang parang may nakatingin sa kanya na kakaiba. She knew it was real. Mabilis lang kasi siyang makaramdam ng kung ano-ano mula sa kanyang paligid.

Nang makapasok na siya sa banyo ay pumasok siya sa isang cubicle, sa huling parte kung saan din ay makikita niya kung sino agad ang papasok. Kung may nagmanman sa kanya, tiyak siyang susunod iyon sa kanya sa banyo.

“Hindi mo kailangang banta