CHAPTER 11

Sa pagpasok ni Lily sa condominium building na tinutuluyan ni Lian, binati siya ng guard kaya naman binati niya ito pabalik. Umupo siya sa mahabang couch na nasa lobby at nag-text na siya kay Lian na kakarating lang niya para sunduin si Isaac.

Matiyagang naghihintay si Lily nang may pamilyar na boses ang tumawag sa kaniya.

“Lily? Anong ginagawa mo rito?”

Nang mag-angat siya nang tingin, nakita niyang nakatayo si Ivor na hindi kalayuan sa kinauupuan niya. Napatingin siya sa babaeng kasama nito. Hindi na siya nagulat kung nakaangkla sa braso ni Ivor ang step-sister nitong si Janelle.

Naglakad ang dalawa palapit sa puwesto niya at huminto ito sa harap niya. Nagsalita si Lily para sagutin ang tanong ni Ivor, “I’m waiting for someone.”

Tumango-tango si Ivor. “Gano’n ba,” huminto ito sa pagsasalita at tumingin ito sa kapatid saka nagpatuloy, “By the way, Janelle, this is Lily, my college friend,” pagpapakilala ni Ivor sa kapatid. Tumingin itong muli sa kaniya. “Lily, this is my sister, Jane