Chapter 46

Sa narinig, gustong lumubog ni Trixxie sa kahihiyan. Unti-unting nanumbalik sa kanya ang mga kaganapan sa nagdaang gabi. Ang pagsusumamo niya kay Gavin na angkinin siya nito. Ang mga galaw na siya mismo ang nag-initiate. Nakakahiya ka talaga, Trixxie! sermon niya sa sarili.

“Huwag ka na mahiya! Halika na at maligo. Baka mainip pa ang mga anak natin,” anyaya ni Gavin.

Nahihiya man ay paika-ikang naglakad si Trixxie pagkatapos balutin ng kumot ang katawan patungo sa banyo. Nakasunod si Gavin sa kanya, bitbit ang pamalit niya. Nang nasara na ang pinto ng banyo ay nagimbal siya sa nakita sa salamin. Ang kanyang katawan ay napuno ng kiss mark! Ano ba ang ginawa ni Gavin sa kanya at tila pinanggigilan siya nito ng todo?

Maayos niyang sinabon at kinuskos ang katawan. Mabuti na lang at wala sa lantad na parte ng katawan naroon ang mga kiss mark. Magiging halata iyon kapag nagkataon, at ayaw niyang tuksuin ng ma