Chapter 53

Dapit-hapon na sila nakarating sa San Bartolome. Paano ba naman, pagkagising nila pareho ay humirit pa si Gavin ng isa. Pero, nabudol si Trixxie dahil ang sinabing isa ay naging dalawa. Kaya, si Gavin ay pasipol-sipol na nagmamaneho ng sasakyan na parang nanalo ng jueteng.

Si Trixxie ay kanina pa aligaga. Kahit naman kasi magpagkapilyo ang kapatid ay istrikto ito sa trabaho. Kahit ang ilang tauhan ay ilag dito. At tanging si Erica lang ang kayang pasunurin ito.

“relax, my love. Tiyak maiintindihan ka ng kapatid mo. Parang hindi naman siya dumaan sa ganitong stage,” ani Gavin. Ginagap pa niya ang kamay ni Trixxie na kanina pa nagkikiskisan.

Nakaabang na sa gate si Tatiana at Trevin, sila ang unang nakita ng ina ng makarating sila sa mansion ng mga Angeles. Bumaba na kaagad si Gavin at pinagbuksan ng pinto ang nobya.

Isang mapanuring tingin ang ipinukol ni Trevin sa ama na napakamot na lang sa batok. Tumaas ang kilay nito at pailalim na tiningnan