Chapter 54

Naging abala sa sumunod na araw si Trixxie sa pagkuha ng kaukulang papeles para sa kasal. Una siyang nagtungo sa Civil Registrar's Office para kumuha ng listahan ng mga requirements. Nang mabigyan siya, inuna niya ang mga papeles na kailangan tulad ng birth certificate, at Cenomar. May mga checklist din ng mga requirements din na ibinigay kung sakaling sa simbahan nais ikasal.

Pati ang mga dokumento ni Gavin ay siya na ang nag-asikaso. Humingi na lang siya rito ng authorization letter at abala ito sa trabaho. Matapos makuha ang mga kaukulang dokumento, nagpasya si Trixxie na magsimba.

Gusto niyang ihiling sa Itaas na sana ay wala na silang harapin na suliranin na mag-anak. Kay haba na kasi ng panahon ang nasayang nila ni Gavin. Kapwa na sila nagdusa sa mga maling akala nila sa isa't isa. Kaya, naisip niya na dapat ilagay sa sentro ng kanilang relasyon ang nasa Itaas. Gusto niyang mabuo sila, at maging matatag sa pagsubok ang kan