Chapter 110

Natigil kami sa pag-uusap ni Leon nang biglang tumahimik ang aming paligid na puno ng ingay.

Nakabalik na sila Liam mula sa pagsaklolo sa Alpha ng Parsua. Papasok sila ngayon sa palasyo at ang ilang mga Captains ay kasama nila. Inilibot ko pa ang aking paningin pero wala talaga si Jacob. Siguro ay umuwi na siya pagkatapos maligtas si Alpha Keith.

Sana ay maayos lang siya.

Lahat ng nandito ay nagsisuyukuan ng ulo bilang respeto kina Alpha Dean at Alpha Keith. Ito ang unang pagkakataon na nakita ko ang Alpha ng Parsua. Gaya ng sinabi ni Liam kanina ay matanda na ito. Halos puti na lahat ang mga buhok nito kasama na ang kanyang balbas at bigote. Pero kahit ganun ay matikas pa rin ito at maganda ang tindig ng katawan, gwapo pa rin ito sa kabila ng edad nito. And just like the other Alpha that I met, his aura is intimidating as well.

Meron itong mga kaunting galos sa mga braso at kung hindi namin alam kung ano ang totoong nangyari ay iisipin ko na wala lang an