Chapter 12

Dahan-dahan akong nagmulat ng mga mata nang makaramdam ako ng pagkauhaw.

Pagmulat ko ng mga mata ay matagal muna akong tumitig sa kisame at inaalala kong ganito ba ang kulay ng kisame sa aking kwarto. Nang mapagtantong hindi ganito ang tamang kulay ay napabalingkwas ako ng bangon mula sa pagkakahiga.

"Shit," mura ko at nasapo ang noo dahil sa naramdamang pagkahilo dahil sa biglaan kong pagbangon.

Dumako ang tingin ko sa mesa na nasa malapit at mabilis kong dinampot ang nakitang baso at isang pitsel ng tubig na nakalagay sa ibabaw nito. Halos saidin ko ang laman ng pitsel dahil sa matinding pagkauhaw.

Nang mahimasmasan ako ay inilibot ko ang aking paningin sa loob ng kwarto. A combination of grey and white color. Sobrang elegante ng kwarto at kakaunti lang ang mga gamit, sobrang linis din. Ang kamang kinalalagyan ko ay sobrang laki at lawak, sobrang puti rin ng mga kumot at bedsheet.

Saka ko lang napansin na iba na ang suot kong damit. Maluwag