Chapter 75

Hindi pa sumisikat ang araw pero sinimulan na namin na ituloy ang pagbiyahe papuntang Ursul.

Hinawi ko ang kurtina na naghahati dito sa kwarto na tinulugan namin ni Dean at sa sala. Dalawa naman ang kama at magkalayo pa kaya walang problema.

Kagigising ko lang din dahil nahirapan akong natulog kagabi.

Naabutan ko si Dean sa upuan niya kahapon at kasalukuyan na nagkakape. Tulala siya na nakatingin sa labas at parang wala sa sarili.

Hindi ko na lang siya inabala pa at umupo na rin sa kabilang upuan. May mga nakahanda na rin na mga pagkain para sa agahan.

Kinuha ko na ang mga kubyertos at nagsimula nang kumain.

Lumipad ang tingin ko kay Dean nang marinig ko ang pagbuntong hininga niya.

"I'm screwed up." Rinig ko pang bulong niya sa kanyang sarili.

Problema niya? Umagang-umaga eh parang pinagbagsakan ng langit ang mukha niya.

Kinuha niya ang tasa ng kape at hindi sinasadyang napabaling siya sa direksyon ko. Nagulat siya at n