Chapter 76

"A-Anong nangyayari?" tanong ko kay Dean habang nakatingin sa aming paligid.

People are coming near us. Ilang sandali nga lang ay sinimulan na nilang gibain ang karwahe na kinasasakyan namin.

Malalakas na lagabog ang naririnig ko. Mula sa harap ay sumulpot ang isa sa mga kawal.

"Alpha Dean, the citizens are after Miss Lauren! Should we fight?"

"No. Stay out of this. I will deal with this alone," malamig na wika ni Dean.

Isang suntok pa ay tuluyan nang nawasak ang kabilang dingding.

Sa kabang nararamdaman ko ay napahawak ako sa damit ni Dean at nilakumos iyon.

Galit sila sa mga tao. Pero pinapasok naman ako doon sa border kanina. Ang sabi ni Dean kanina ay sinabi na niya sa Alpha dito sa Ursul na may kasama siyang tao na darating dito. Hindi ba niya nasabihan ang kanyang mga mamamayan? Nakalimutan ba niya o sinadya talaga?

Ang mga mata ng mga mamamayan ay mababagsik at nanlilisik na nakatingin sa akin. Wala rin silang pakialam k