Chapter 80

Hindi ako dumiretso sa pavilion bagkus ay dumiretso agad ako sa bahay ni Jacob.

Hindi ako makapag-isip ng matino dahil sa nalaman ko. Nasasaktan ako. Buong akala ko ay wala pang mate si Dean pero meron na pala. Kung ganun ay bakit ganun ang mga pinagsasabi niya kanina? Na parang may gusto siya sa akin. Minsan pakiramdam ko ay may nararamdaman siya para sa akin. Hinahalikan din niya ako kahit kailan niya gusto tapos ngayon ay malalaman ko na may sabit na pala siya.

Mapait akong napangiti. He was just playing with me. He's the worst.

Nanatili lang akong nakatayo habang nakatitig sa pintuan. Hindi ko alam kung ano ang gagawin ko sa mga oras na ito.

Biglang bumukas ang pintuan at iniluwa nun si Sebastian na nagsusuklay ng buhok, bihis na bihis din siya.

"Lauren! You're back!" natutuwa niyang wika pagkakita sa akin.

Tipid lang na ngiti ang isinagot ko. Mukhang pati pagngiti ay hindi ko na rin magawa.

"May pupuntahan ka?" tanong ko.