CHAPTER 20

"I WAS that man, Sofia. I-I was the man who...r-raped you."

"Mommy! Daddy!"

Hindi narinig ni Sofia ang huling sinabi ni Brix dahil nasapawan iyon ng matinis na sigaw ni Euna. Agad itong yumakap at humalik sa kanila. Nasa likuran nito si Zarina na ngayo'y nakangiting palapit na rin sa kinaroroonan nila.

"Sorry, na-late kami. Traffic kasi," hinging-paumanhin ni Zarina nang makalapit. Agad itong nakipagbeso sa kaniya, saka bumaling kay Brix. "Kuya, ang likot ng anak mo. Napagod sina Mama't Papa," natatawang sumbong nito. Umupo ito sa silyang bakante. Habang si Euna naman ay kumandong sa ama-amahan nito, at pinaglaruan ang manikang dala.

"Naku, Rina, pasensiya na. Sa susunod sasama na 'ko. Napagod pa tuloy sina Mama't Papa," hinging-paumanhin ni Sofia. Mama at Papa na rin kasi ang tawag niya sa mga magulang ng mga ito. Iyon kasi ang kahilingan ng mag-asawang dela Fuente sa kaniya. Tutal naman daw ay malapit na silang ikasal ni Brix.

"Naku, a