Chapter 15

MIA

"WE LOOK LIKE FOOLS back there," naiiling na wika ni Matthew kay Mia na hindi pa rin mai- alis sa mga labi ang ngiti. Mag- aalas singko na ng hapon at nasa loob sila ng isang magandang garden ng restaurant. Matatanaw nila mula rito ang hubog ng Taal Lake.

Habang hinihintay ang ipinaluto nilang seafoods, pinagsasawa nila ang kanilang mga mata sa magandang tanawin.

Hindi masyadong matao ang kinaroroonan nila kaya malaya silang gawin ang pagkukuha ng mga litrato sa magagandang view sa paligid.

"Happy fools I should say," wika ni Mia. Hindi maalis- alis ang ngiti sa mga labi niya at ganoon rin ito. Ang gu-guwapo nitong tingnan kapag hindi nakasimangot.

"Ginagawa mo ba ito ng madalas?" tanong nito.

"Minsan nga lang eh. I would love to do it more often nga, eh," sagot niya.

"Motorsiklo lang ang gamit mo?" Nasa tinig na naman nito ang pag- aalala. At sa tuwing mararamdaman niyang nag -alala ito, tila pumipitlag ang bahagi ng puso niya sa tuwa.

Tumango siya.

"Okay lang sa mama mo?"