Chapter 40

MIA

KINABUKASAN nang makauwi si Mia sa bahay nila. Buong araw at gabi na kasama niya ang kaibigang si Merna sa condo unit nito. Mabuti na lang at na- informed niya si Donya Tranquelina Delos Reyes kagabi. At tinawagan rin ng kanyang kaibigan si Manang Selma na sasamahan muna ang abuela sa mansiyon. Kaya panatag na rin ang kanyang pakiramdam na kahit papaano ay nakikita niya ang konting improvement sa nararamdaman ni Merna. Paminsan- minsan ay nakikita niyang ngumingiti na ito hindi tulad kahapon na para itong binagsakan ng langit sa sobrang lungkot.

Dumeretso siya sa kanyang kuwarto upang makapagbihis. Kailangan niya pa rin pumasok sa opinsina ngayon. Dahil wala siya kahapon ng buong araw, titingnan niya lamang kung loaded pa ba ang schedule niya sa susunod na araw.

"Ate Mia?" tawag ng kapatid niyang si Mickey pagkapasuk niya sa loob ng bahay.

"O, Mickey ba't nandito ka pa, wala ka bang pasok ngayon?"

"Meron Ate, pero mamayang hapon pa. Siya nga pala Ate, sa opisina ka ba natut