Chapter 39

"THANK YOU, JANELLA," pormal na pasasalamat ni Mia sa sekretarya, pagkatapus dalhan siya nito ng kape. Ito ang nagugustuhan niya sa bagong sekretarya. Kahit hindi na niya ito inuutusan ay kusa na itong kumilos. Mabilis lang nitong makuha ang mga bagay na ninanais niyang ipagawa rito.

At ang ikinatuwa niya ay araw- araw din siyang nagkakape na may laging pares. Paborito niya kasi ang croissant ewan niya lang pero mas gusto niya na marong pares ang kape niya. Siguro ay lahing pinoy na pinoy ang panlasa niya.

Napapangiti siya nang gaya ng nakaraang araw ay hindi talaga nawawala ang croissant na laging kasama sa kape niya. Kasulukuyan siyang uminom ng kanyang kape nang biglang may tumawag sa phone niya.

Nagtaka naman kung sino ito eh kung si Matthew ay kakatawag lang naman nito. Baka tumawag lang ito uli at di kaya'y may nakalimutan lang itong sasabihin. Hinala niya.

Kinuha niya ito sa loob ng bag niya. Tiningnan niya muna kung sino itong tumatawag. Ah, si Merna pala'. sa isip niya.