Chapter 38

MERNA

NASA KAHABAAN NA ng highway si Merna. Wala pa ring patid ang pagdaloy ng mga luha niya. Hindi siya halos makakahinga sa sobrang sakit na nararamdaman ng puso niya ngayon. Ang inaasahan niyang maging maganda ang maging resulta ang matatawag na paghahabol niya sa nobyong si Rafael ay nauwi lang pala sa wala. Para siyang sinampal sa katotohanan.

Hindi niya lubos maisip na ang taong ina- alayan niya ng kanyang pagmamahal at pagtitiwala ay isa palang dakilang manloloko! Gulong- gulo ang isip niya, halos hindi siya makapagfucos sa pagmamaneho, kung kaya ay hindi niya napansin ang isang kotseng biglang nag o-overtake at kanyang nabangga. Buti na lang at naka- minor na ang takbo niya at naikabit niya rin pala ang seatbelt kanina kahit pa sa kabila ng mga nangyayari. Dahil kung hindi ay siguradong sa hospital na ang bagsak niya ngayon.

Maya maya ay napaigtad siya sa malakas na katok sa bintana ng kanyang sasakyan.

"Open this damn door!" sigaw sa kung sinong poncio pilato na halos