CO 79:

•Gaea•

Ang malamig na dampi ng hangin sa aking katawan ang nagpagising sa akin. Dahil nakatagilid ako ang una kong nakita ay si Clyden na mahimbing na natutulog sa aking tabi. Napangiti ako at hinaplos ang kanyang mukha.

"Thank you, babe," malambing kong saad at ginawaran ang kanyang noo nang mabilis na halik.

Yumakap ako sa kanya at babalik sana sa pagkakatulog nang tumunog ang cellphone na nasa side table. Kumunot ang aking noo nang makita ko roon ang aking sirang cellphone ngunit gumagana pa naman.

Walang pagdadalawang-isip na kinuha ko iyon at sinagot ang tawag kahit hindi naman nakatatak ang pangalan ng caller. Hindi ko alam kung bakit nasa kay Clyden ang cellphone ko pero baka nakita nito iyon sa may restaurant.

"Sino 'to?" tanong ko nang hindi nagsasalita ang nasa kabilang linya. "Ano ang kailangan mo?"