CO 80:

•Gaea•

Tatlong araw na ang lumipas at hindi na nagparamdam sa amin si Russu. Sa halip na makampante ay mas lalo pa kaming naging mapagmatyag sa susunod na gagawin nito. Hindi namin alam kung kailan ulit ito aatake at may gagawing masama. Hindi na nga rin namin masyadong pinapalabas si CN at baka may binabalak dito na masama si Russu at masaktan pa ito.

"Mommy, I want to go out po," nakabusangot na wika ni CN habang pinaglalaruan ang mga kamay namin ni Clyden. Sa bahay na lang din muna ito nagtra-trabaho dahil natatakot siya at baka mapahamak kami ni CN. "Three days na po tayong nandito sa house po. Gusto ko po kumain ng fried chicken sa jobee po, mommy, daddy!"

Yumuko ako at hinaplos ang kanyang mukha na puno na ng pawis dahil sa paglalaro. Gusto ko rin naman talaga na ilabas ito ngunit natatakot din naman ako sa kaligtasan niya, lalo na at malapit ito kay Russu.

&