Chapter 29 Truth

Nag-uunahan lamang sa pagpatak ang mga luha ko. Walang tigil ang pag-iyak ko.

Masakit ang dibdib ko. Lubos akong nahihirapan dahil sa kalagayan ko. Ang hirap-hirap isipin na hindi ka matanggap ng taong mahal mo.

Mahal ko si Lucas! Mahal na mahal ko siya. Hindi magbabago ang nararamdaman ko sa kaniya. Siya lang ang nagpapatibok ng puso ko. Siya lang ang nagpapabaliw sa akin.

Hindi ko kayang mabuhay kung wala si Lucas. Hindi ko kakayanin ang mag-isa. Marami kaming pinagsamahan at hindi ko iyon makakalimutan.

Ang bawat masasayang sandali ay napakahalaga sa akin. Mga alaalang hindi ko malilimutan. Mga pinagsamahan namin ni Lucas na sobrang kay saya.

Gusto ko siyang puntahan. Gusto ko siyang yakapin at iparamdam ko ang pagmamahal ko sa kaniya.

May takot man sa puso ko. Pero hindi ko kayang iwasan si Lucas. Hindi ko siya kayang kamuhian. Siya at siya pa rin ang laman ng puso ko.

Patuloy lang ang pagbuhos ng mga luha ko. Hindi ko kayang pigilin ang paghikbi ko. Nasasaktan ang damdamin ko. So