CHAPTER 15

NAMULAT ang mga mata ko sa isang hindi gaanong pamilyar na lugar. Puting kesame at dingding, maingay na tunog ng makina at nakakabit na suwero sa aking kamay. Hospital. Nasa hospital ako. Ilang beses pa akong kumurap bago tuluyang naalala ang buong nangyari dahilan upang mapabalikwas ng bangon.

Agad dumalo sa akin si Janette.

"Ang mga anak ko! How are my babies doing?! Ligtas naman sila hindi ba? May dugo! May dugong lumabas sa akin!" Magkasunud-sunod kong tanong kasabay ng masaganang pagbuhos ng mainit na likido sa aking mga mata.

"The twins are alright, they're safe now." Nagulat ako nang marinig ang istriktong boses ni Silas. Nakatayo siya sa paanan ng hospital bed. At base sa kanyang suot ay tila galing itong trabaho. "Maaaring nanganib ang buhay ninyong tatlo kung inabot pa kayo ng ilang oras bago makarating dito." Nagtatagis ang bagang niya at matalim ang tinging pinukol sa akin. "Sa susunod, kung may pupuntahan ka man, magpaalam ka sana. Kung hindi pa ako tinawagan ni Janette,