Kabanata 99

Blair Castro

“ARAY!” Napa-angil ako sa sakit nang mauntog ako sa bubong ng kotse ni Lukas. Natawa siya saka sinapo ang nasaktan kong ulo. Napailing naman ako nang makaupo ako ng maayos sa passenger seat. Sinimulan kong suotin ang mga damit ko at nag-ayos rin si Lukas.

Hindi ko maintindihan ang sarili ko. Sa tuwing naglalapit kami ni Lukas ay parang palagi akong sinisilaban. Ewan ko ba at hanggang dito sa parking lot ng condo ay nagawa namin ang bagay na 'yon na sinimulan ko.

Nang maisuot ko ng maayos ang damit ko ay lumapit pa sa akin si Lukas at hinalikan ako sa labi. Agad ko namang sinapo ang kaniyang pisngi saka ngumiti nang maghiwalay ang mga labi namin.

“You should go,” sabi ko sa kaniya bago pa maulit ang nangyari sa amin.

Ngumiti siya at tumango. “Yeah. I think so pero ihahatid muna kita sa itaas.”