CHAPTER 62: Cons

THIRD PERSON POV

Lumagaslas ang tubig mula sa shower sa matipuno at hubad na katawan ni Aldric. Malalim ang iniisip niya at makailang beses niyang tinitigan ang singsing sa daliri niya na ibinigay ng misteryosong tao sa kanya.

Bahagya siyang natawa.“Isang daang milyon kapalit ng pagsusuot ko ng singsing na ‘to? Ang wirdo talaga ng taong yun,” napapailing niyang sabi.

Nangako pa ang misteryosong tao sa kanya na pababalikin nito si Samara sa piling niya basta sundin lang ni Aldric ang gusto niya.

Tinanggap naman ni Aldric ang panibago nilang deal na yun. Hindi naman siya lugi sa usapan nila dahil puro naman yun pabor sa kanya.

Kailangan niya ng pera at kailangan niya rin si Samara. Ang utos lang naman sa kanya ng misteryosong tao ay maghintay.

Pinatày ni Aldric ang shower at isinandal ang dalawang kamay niya sa dingding. Hindi niya napigilang mapangiti dahil sa wakas ay tila umaayon na naman sa kanya ang tadhana.

“Iba talaga ang epekto kapag may pera ka na naman at alam mong hindi ka pa