Kabanata 30

NATIGIL sa pagguguhit si Alyssa nang maramdaman na tila may gumuhit na kaba sa kanyang dibdib. Wala sa loob na nasapo niya ang tapat ng kanyang dibdib. Biglang pumasok sa isip niya ang binata na si Noel.

Lahat nagulat nang biglang isang malakas na kulog at kidlat ang pumunit sa katahimikan ng sala.

Naputol ang hawak na pencil ni Alyssa napahigpit kasi ang diin niya dito nang magulat siya sa kulog at kidlat.

"Sana okay lang sina Noel at Mang Nestor," anang dalagang si Alyssa.

"Oo nga, dinig ko na ang malakas na ulan sa labas." Segunda naman ni Charlotte. Ngunit mabilis itong tumayo nang maalala na magsasaing pa pala siya. "Maiwan ko na muna kayo magsasaing lang ako. Kayo na ang bahala mag sabi kay Sir, kapag nakaba