Kabanata 33

Alyssaaa... Alysssaaa... boses ni Daisy ang naririnig niya na tumatawag sa pangalan niya. Bahaw ang boses nito na parang ang lungkot.

Hindi agad nakakilos si Alyssa pakiramdam niya nakapako na ang mga paa niya sa hagdan. Muli niyang iniangat ang paningin, naandon pa din ang tatlo talagang hinihintay siya na makaakyat.

Alyssssaaaa.... Alyssa.....! muling tawag sa pangalan niya na sa pagkakataon na iyon silang tatlo na ang tumatawag sa kanya. Nakita ni Alyssa ang pagtaas ng isang kamay ni Sofia tila inaaya na siyang makaakyat.

Hindi niya maintindihan pero pakiramdam niya may kakayahan ang mga ito na mapasunod siya. Napahigpit ang hawak niya sa railing ng hagdan, pakiwari niya dinig niya ang bawat pintig ng puso niya na may kaba. Iniisip niya na baka