CHAPTER 73

"P-P'WEDE ba akong magtanong sa'yo?" Buong lakas loob na sabi niya kay Cameron nang sila lamang dalawa sa may terrace na 'yon at nagpapahangin.

Halos kakauwi lang nila galing mall dahil ipinasyal nila si Calista pagkatapos dumalaw kay Senior Silvestre. Bago sila umalis sa mansion ng matanda ay nakapagdesisyon na ito na siya ang gagawa sa operasyon. At isasagawa ang operasyon sa susunod na buwan.

"Shoot," ani Cameron at nilapitan siya. Niyakap mula sa likod.

Biglang bumilis ang tibok ng puso ni Charity nang maramdamang magdikit ang kanilang katawan. Tila ba may kuryenteng nanulay sa kaniyang mga kalamnan sa ginawa ng lalaki. Bakit tila ang bilis mag-init ng kaniyang katawan sa simpleng pagkakadaiti lamang ng kanilang mga balat? Kailan na nga ulit ang huli nilang pagniniig? Matagal-tagal na pala iyon.

"C-Cameron," utal niyang sabi at huminga ng malalim. "Paano kung bumalik ang nanay mo sa'yo? O kaya humingi ng tawad, papatawarin mo ba s