Chapter 42

MALINAW na sa pandinig ni Cassandra ang mga tinig ng dalawang lalaking kasama niya. Namulatan ng mga mata niya si Stefan na siyang may kalong sa kaniya. Akala niya’y nagkamali lang siya ng naisip na naroon si Tobi, talaga ngang naroon ito.

Nang bumuti ang kaniyang pakiramdam ay tumayo siya. Nakaalalay pa rin sa kaniya si Stefan, na hindi niya alam kung paano nakarating doon. Hinarap niya si Tobi at hindi rin makapaniwalang naroon ito.

“Salamat, Doc. Kung wala ka, baka dito na ako malagutan ng hininga,” sabi niya.

Tipid itong ngumiti. “No worries. Maybe there is a reason why I came here. My fashion designer friend invited me to the fashion event, so I dropped by here until I saw you,” anito.

“Utang ko po sa ‘yo ang buhay ko. Salamat talaga.”

“Just take care next time.” Nabaling ang tingin nito kay Stefan. “Is he your husband?” pagkuwan ay tanong nito.

“Ah, yes. Si Stefan. Busy kasi siya kanina at hindi ko malapitan sa dami ng tao,” aniya.

Nabaling ang atensiyon ni Tobi kay Stefa