Kabanata 18

Maximaze Park

“Maze, gising na.”   Binuksan ko ang aking mga mata at kinusot ito, una kong natanaw ang aking ina.

“I-ina . . . “

Sinsero siyang ngumiti. “Masyado ka atang napagod kakasakay ng kabayo,” wika nito, “hinihintay na tayo ng Mahal na Emperor. Inaya niya tayong kumain dito sa kaniyang palasyo.”   Tumayo siya at nagsimulang maglakad papalayo. Akin naman siyang sinundan.

Nang aming marating ang kusina, nakita ko ang isang malaking hapag-kainan. Wala namang okasyon ngunit ang dating nito ay napakaengrande. Ang mga baso ay gawa sa ginto at ang mga platito naman ay babasagin. Ang telang bumabalot dito ay napakaganda. “Umupo na kayo,” aya sa amin ng kamahalan.

Napansin ko na nakaupo na si tiyo. Bukod sa kanilang dalawa, ay wala nang nakaupo pa. Napakalaki ng lamesa ngunit aapat lamang kaming kakain.

“Ang Empress ay nasa Xida Palacios. Kaniyang kinakausap