Chapter 65

“Huwag!!” Palahaw ng lahat. Subalit huli na sapagkat ilang segundo ang lumipas, isang katawan ang bumagsak sa lupa habang patuloy ang pag-agos ng mapulang likido mula sa katawan nito.

“Hindi!!! Hindi!!"

Kay bilis ng mga pangyayari. Sa isang iglap, ang ordinaryong araw sa opisina ni Madam Dela Vega ay nabalot ng karahasan. Hindi niya inaasahan ang biglaang pagsulpot ni Vana at Steve sa parking lot ng DVE building upang gawin silang hostage. At ngayon, naging madugo na nga ang naging kinalabasan kagaya ng ikinatatakot niya kanina.

Nais mang daluhan ng mga kasambahay ang duguang katawan ni Georgie, walang nagawa ang mga ito kundi manatili sa kanilang kinatatayuan. Natatakot kasi silang sila naman ang pagbuntunan ng galit ng babae. Armado ng baril si Vana at ang kuya nitong tinawag niya sa pangalang Steve. Alam nila na kayang-kaya nitong pumatay ng walang pag-aalinlangan. Patunay rito ang nangyari sa matandang sekretaryo na hanggang sa huling sandali, ay piniling protektahan ang babaeng