CHAPTER 54

ATASHIA

Bumalik ako ng hotel na walang kaimik-imik. Matagal akong nakatitig sa repleksyon ko sa salamin habang nakaupo ako sa kama. Si Loida na noon ay nasa baba at kasama si Nathan, walang kaalam-alam na nakaalis at nakabalik na ako. Si Lance na nasa kabilang silid lang ay wala rin alam.

Makalipas ang ilang minutong pag-iisip, lumabas ako ng silid at pinuntahan ko si Lance, subalit wala siya sa silid nila ni Nathan. Tinawagan ko siya pero out of coverage area ang number niya. Hinanap ko naman sina Nathan at Loida. Nakita ko sila na papasok sa main lobby ng hotel.

“Nakita ninyo ba si Lance?” I asked them.

Kapwa umiling ang dalawa.

“Akala ko ay kasama mo siya,” saad ni Loida.

“Oo nga. Maaga siyang lumabas ng silid namin,” sabi naman ni Nathan.

Sinubukan ko ulit tawagan si Lance. Ngunit katulad kanina ay hindi ko pa rin siya ma-contact. Nagdesisyon kaming hintayin na lang na bumalik siya. Makalipas nga ang halos isang oras, walang kibo si Lance nang dumating siya.

“Anong problem