Chapter 35

HALOS pairap na umiwas ng tingin si Zia saka bumalik sa kama. Naupo siya at sumandal sa head-board. Kinuha ang libro sa may side-table at nagbasa. Mayamaya pa ay nagsalita, “Kasama ba sa deal ang relasyon ninyo ni Bea? Kailangan ko ba muling magkunwari na walang alam?”

Nang walang makuhang sagot kay Louie ay muli siyang nagpatuloy, “Ba’t hindi mo masagot ang tanong ko, nahihirapan ka? Mas mahirap kaysa mambabae? Kung sabagay, hindi nga pala tayo totoong mag-asawa. Hanggang sa papel nga lang pala.”

Napakurap si Louie at ilang sandali pa ay natawa. Hindi akalain na may ganito palang ugali si Zia. Tuluyan siyang tumayo at lumapit dito.

Una ay hinaplos ang pisngi hanggang sa pinaglaruan ang malambot nitong labi gamit ang daliri. “Hindi ko alam na may pagkapasmado pala ‘tong bibig mo. Kung ano-ano ang lumalabas.”

Matalim namang tumingin si Zia bago iniwas ang mukha pero nagpatuloy ito sa paglapit. Sa kagustuhang makalayo ay dumausdos siya pahiga sa kama.

Napangisi tuloy si Louie na ma