CHAPTER 88 “A PLACE CALLED HOME”

KINABUKASAN ng gabi sila bumiyahe ni Joaquin pabalik ng Maynila. Iyon ay ayon na rin sa gustong mangyari ng asawa niya. Tanghali na rin kasi silang nagising nito kinaumagahan.

Madaling araw na nang marating nila ang bahay nila. Masaya silang sinalubong ni Rodolfo na halatang sabik na sabik silang makita. Lalo na siya na kung tutuusin ay araw-araw naman nitong nakakausap sa video call.

At dahil nga madaling araw na iyon ay mahimbing ng natutulog ang anak nilang si Callie. Maging si Leandro na pumapasok na sa eskwelahan.

“Ang ibig bang sabihin nito ay aalis na kayo at sa bahay na ni Joaquin maninirahan ng apo ko? Tama ako hindi ba?”

Nasa sala sila noon at kasalukuyang humihigop ng mainit na kape nang itanong sa kanya ni Rodolfo ang ganoon.

Bakas sa tono ng pananalita ng kanyang ama ang labis na kalungkutan. Pero dahil nga kasal na siya kay Joaquin ay wala siyang ibang choice kung hindi ang sumama dito. Lalo na at stable naman ang kabuhayan ng asawa niya. May magandang trabaho, sasakyan,