Chapter 59 - Goodbye

"Zane! Zane! Are you awake?" Sunod-sunod ang pagtawag sa pangalan niya at pagkatok sa pintuan ng silid niya kaya naman mabilis siya na napabalikwas buhat sa pagkakahiga at mabilis din niya na tinungo ang pintuan para tumahimik na ang kaibigan niya.

Bumungad sa kan’ya si Jed na hindi maintindihan ang ekspresyon at mukhang problemado. "Bogs is here. We need to talk right now. We’ll be in the office."

Sa tono pa lamang ng pananalita ng kaibigan niya at sa ekspresyon nito ay alam na ni Zane na may hindi magandang balita at kung ano man iyon ay kailangan nila na agad na harapin, kaya naman tinanguan na lamang niya si Jed upang sabihin na susunod na siya at mabilis din naman siya na tinalikuran nito. Nang makaalis ang kaibigan ay muli niya na sinulyapan si Serenity na mahimbing na natutulog sa kama niya.

Marahil dala ng sobrang kapaguran dahil sa ilan araw na pananatili nito sa poder ni Tristan kaya naman mabilis din na nakatulog si Serenity kanina. Hindi niya inakala na magiging madali a