Chapter 19

Mabilis na hinila ni Katriss si Raya palayo sa lugar.

"Dito! Magtago tayo dito, Raya." Hinila niya ito patungo sa likod ng drum.

"Nakatakas ang mga bihag." Sapu-sapo ng lalaki ang kanyang tiyan.

"Gunggong! Mga babae na nga lang 'yon natakasan ka pa!"

"Malay ko bang makakahanap sila ng armas! At saka isa pa, hindi lang ako ang dapat niyong sisihin. Kung sinamahan niyo sana ako para tignan sila, hindi sana mangyayari 'to!"

Nagkatinginan na lamang sina Raya at Katriss habang nakikinig sa pagtatalo.

"Tama na ang sisihan! Kumilos na tayo para maghanap. Talasan niyo ang mga mata niyo. Nandito lang ang mga iyon. Siguradong hindi pa sila nakakalabas."

Pigil-hininga naman sina Raya Fae at Katriss nang marinig nila ang papalapit na mga yabag.

"Wala sila dito!" Narinig nilang sigaw ng isa.

"Nakita niyo ba sila diyan?"

"Wala rin eh." Sigaw ng isa pang tinig.

Maingat na sumilip si Katriss. Mula sa kinaroroonan nila ay matatanaw ang limang kalalakihan. Pawang may hawak na mga baril ang m