Chapter 20

"Balikan natin si Kat." Lumuluhang lumingon si Raya Fae sa kanilang pinanggalingan.

Ngunit lalo namang humigpit ang pagkakahawak sa kanya ni Damielle Astin.

"Hindi pwede, Naya. Pareho tayong mapapahamak kapag binalikan natin siya."

"Pero--"

"Face the reality, Naya. Wala na si Miss Calve. Nakita mo naman ang nangyari, 'di ba? Malabong makaligtas pa siya."

Napahagulgol na lamang si Raya Fae. Para siyang binagsakan ng langit.

"Hindi!" Umiling-iling siya. "Hindi 'yon nangyari. Buhay si Katriss. Siya mismo ang nagsabi na makakalabas kami ng buhay sa islang ito. Hindi niya pwedeng bawiin 'yon!"

"Naya! Tama na! Nakita mo naman ang nangyari! Ang tanging magagawa natin ngayon ay mabigyan ng hustisya si Miss Calve. At kung gusto mong makamit ang hustisya, we need to be alive!"

Umawang ang labi ni Raya Fae ngunit natigil siya nang marinig nila sigaw.

"Nando'n sila!"

Nang tumingin sila Damielle Astin sa pinagmulan ng tinig ay kitang-kita nila ang mga tauhan ni Rio.

"Tara na! Kailangan n