Chapter 7 : Her Visitors

"Fana," untag sa akin ni Toby kaya naman naputol ang pag-iisip ko nang malalim. "Kanina pa kita tinatawag pero titig na titig ka d'yan sa freezer sa refrigerator. Init na init ka ba sa buhay mo?" tanong ni Toby.

Kaagad kong isinara ang pinto ng ref saka ko hinaplos ang batok ko. I'm having this weird feeling. Para bang may nakamasid sa bawat galaw ko nitong mga nakaraang araw. Sinusubukan kong pakiramdaman kung saan nanggagaling ang presensya ng lapastangan pero hindi ko s'ya magawang mahanap.

Vampires.

Nagsimula 'to noong unang burol ni Rosarie at ngayon nga ay huling araw na ng kaibigan ko bago s'ya ilibing bukas.

"W-Wala na pala akong stock ng dugo," pagdadahilan ko kay Toby. "Uuwi muna ako sa cabin para kumuha ng stock," dagdag ko bago dali-daling lumabas ng bahay.

Tumalim ang mga mata ko habang nililibot ang tingin sa madilim at malamig na kapaligiran. Kung nitong lumipas na araw ay natago pa nila ang amoy nila ngayon ay hindi na.

What do they want?