Chapter 65: After Effect

Dala ng pagod sa paglalakad at bunga ng ginawa namin ni Chaeus kagabi ay agad akong nakatulog pagka-uwi ng bahay. Paggising ko ay sobrang sakit ng katawan ko at hindi lang iyon, hinang-hina ako at inaapoy ng lagnat. Nalaman ko ito pagpunta ng kusina at makita ako ni Azalea.

“Are you okay, Hilary?” ganun na lang ang pag-aalala ng mga tingin ni Azalea na parang hindi ako normal. “Mukha kang may sakit.”

“Water, n-nauuhaw ako...”

Puno ng pagkatarantang binigyan niya agad ako ng tubig. Matapos na inumin iyon ay napahawak na ako sa ulo na mas tumindi pa ang sakit. Sa katawan ko ay hindi ito ang pinakamasakit. Ang parteng nasa pagitan ng aking mga hita ay parang binugbog ng di lang sampung tao.

Napangiwi ako ng unti-unting maupo, agad naman akong dinaluhan ni Azalea na sobra pa ‘ring nag-aalala.

“Ano bang nangyari sa'yo sa hiking niyo, Hilary? Hindi ka naman ba nadapa o nahulog? Baka naman nagpahamog ka o kaya nagpaulan?”

“Walang ganung nangyari sa akin. Hindi lang sanay ang katawan kong