Kabanata 21

MATAPOS ANG kanilang masayang hapunan kasama ang mga butler at mga maid ay tumungo na sila sa silid ni Aiha. Susulitin ni Weiss na makasama ang babaeng mahal niya habang wala ang kaniyang Abuelo.

Tinitigan niya si Aiha at naulungkot siya nang maisip niya ang damdamin ng babae. Alam niya na ang hirap ng sitwasyon nito. Hindi ito matanggap ng kaniyang Abuelo dahil sa estado na kinalalagyan nito. Sana ay makita ng pamilya niya ang nakikita niya kay Aiha. Kumg puwedeng ibigay nga niya ang sariling mga mata niya sa pamilya niya ay ginawa niya na iyon para lang makita nila kung gaano kabuting tao ang babaeng kinaaayawan nila.

"Bakit ganiyan ka makatitig?" tanong ng babae sa kaniya.

Tumayo siya at lumapit siya kay Aiha. Yumuko siya at niyakap niya si Aiha na abala sa pagpunas sa mukha upang alisin ang dumi at ang kaunting kolorete na nilagay niya kanina.

"Bawal bang pagmasdan ang babaeng mahal ko?" tanong nito sa babae sa halip na sumagot sa tanong nito.

Ngumiti lang si Aiha.

Tinapon ni A