Kabanata 23

UMUPO SIYA sa tapat ni Senior Fortalejo. Ang sabi ni Weiss sa kaniya ay mawawala sa loob ng dalawang araw ang matanda pero nandito ito ngayon at siya pa ang umupo sa upuan ng guidance counselor.

Matalim na nakatitig sa kaniya ang matanda. Kinagat niya ang kaniyang ibabang labi. Alam niya kung ano na naman ang sasabihin ng matandang ito sa kaniya. Hindi na siya umasa pa na may mabubuting salita itong sasabihin dahil ayaw nito sa kaniya.

"Ibang klase ka, Aiha. Napakatigas ng ulo mo at isa ka pang mapanakit na tao. Ngayon paano kaya kita matatanggap para sa apo ko? You are really showing that you don't deserve any chance from me!"

Inangat ni Aiha ang tingin niya sa matanda. Lumunok siya. Ang alam niya ay nandito ang matanda para ayusin ang sigalot sa pagitan nila ni Miss Agustin at hindi para pagsabihan siya ng kung ano-ano pang malayo na sa problema nila ng babaeng iyon. Masyadong malayo na ang pinagsasabi ng matanda sa kaniya.

"Nandito ako para ayusin ang problema ko kay Miss Agustin