KABANATA 35

Napanatag na ang loob niya nang hindi na siya kinukulit ni Kyle sa katauhan ng babaeng hinahanap nito na alam niyang- SIYA!

Nu'ng mismong araw na inutusan siyang ipagtanong sa mga models kung may nakakakilala ng picture niya ay sinabi niya agad sa lalaki na wala ni isang may alam kung sino iyong nasa larawan. Kinausap niya na rin si Venus na huwag talagang ibuking na siya ang nasa picture. Nangako naman ang babae.

Dalawang linggo na ang nakalipas mula nang naganap ang party at sa kabutihang palad ay parang nakakalimutan na nga ni Kyle ang paghahanap sa kanya. Inutusan siya ni Zara na ihanda ang conference room sa tenth floor. Kapag kasi lumabas na ang special edition ng magazine every month ay nagmi-meeting ang lahat ng big bosses para ma-check at mapag-usapan ng mga ito mismo ang edition na iyon para alam ng mga ito if may mga kulang at mga dapat pagtuunan ng pansin.

Mas makapal ang special edition magazine kumpara sa mga weekly magazine lang na pinu-produce ng