KABANATA 36

Pumasok siya sa studio kung saan ginagawa ang photoshoot ng mga models. Katatapos lang ng session kaya't kailangan niyang ligpitin ang mga nagkalat na damit sa loob. May isang naka-assign na tumulong kanina sa model sa session na iyon.

Natigilan siya nang makitang andu'n pala sa loob si Kyle. Nakaupo ito at nakaharap sa laptop. Sa tingin niya ay ito uli ang nagboluntaryong maging photographer nang araw na iyon. Mas lalo siyang natigilan nang makitang nakatayo sa gilid nito ang isang babae. Napakunot-noo pa siya habang kinikilala ang babae dahil parehong nakatalikod ang dalawa. Maya-maya ay tumagilid ito.

Si Claire? 

Napatuon din ang pansin niya sa isang standee picture na sa tingin niya ay siyang tinititigan ni Claire. 

Picture niya iyon! 

In fairness, maganda ang kuha niya roon kahit parang nakayuko siya. Naalala niyang ginawa niya iyon para hindi masyadong ma-capture ni Kyle ang mukha niya. Natatakot kasi siyang makilala siya ng la