CUTE AND FUNNY

AMUSED na tiningnan ni Cougar si Adrielle na kasabay niyang naglalakad sa bahaging iyon ng Recto. Dahil nga wala itong dalang damit na pamalit sa suot nito kahapon ay ang extra shirt niya ang ginamit nito. Ugali na niyang magbaon ng extrang damit tuwing umaalis kaya may naipagamit siya kay Adrielle. Hindi siya makapaniwalang hindi nito nakalimutan ang baril nito pero ang sariling damit ay nawaglit sa isip. Kakaiba talaga ito sa lahat ng mga babaeng nakilala niya. Kahit ang ex-girlfriend niyang si Trixia ay palaging may baong damit kahit hindi naman malayo ang pupuntahan. In case daw na may mangyari ay mayroon itong magagamit.

Matangkad siya rito bukod pa sa may kalakihan din ang katawan niya kaya nagmukha iyong loose-shirt sa babae. Nakahiram din ito kay Shane ng tsinelas na hindi pa nasusuot ni Tita Mabel samantalang ang may kahabaan nitong buhok ay hinayaan lang nitong nakabagsak at malayang nililipad ng hangin. Medyo kulot iyon kaya nakaka-aliw na pagmasdan at parang ang sarap pa