THOUGHTS AND DOUBTS

BAGOT na tumayo nang tuwid si Cougar mula sa pagkakasandal sa bintana ng sasakyang dala nila ni Adrielle. Tinapunan niya ng tingin si Adrielle na nasa kalayuan kasama si Reaper. Sa pagkakaalam niya ay kababata at matalik na kaibigan ito ng babae. Bahagyang naningkit ang kanyang mga Mata habang palihim itong pinagmamasdan. Mukhang seryoso ang pinag-uusapan nito at ng head bodyguard ni Russet.

Papunta sana sila sa Recto kung saan nakatira ang Ninang nito pero nagpadaan muna ito sa Manila Bay dahil may usapan daw ito at si Reaper na magkita roon.

Mahigit dalawang linggo na rin ang nakakalipas simula nang pagtangkaan nito ang buhay ni Trevan. At isang palaisipan sa kanya kung bakit hindi nito itinuloy ang balak. Basta ang sabi daw nito sa kaibigan niya ay ipagpasalamat daw ni Trevan ang ikalawang buhay sa kapatid nito. Sino sa pitong mga kapatid nito ang tinutukoy nito at bakit?

Mabuti na lang at naisipan niyang bumalik sa bahay na pinagdalhan niya kay Trevan dahil naiwanan niya roon ang