Chapter 82

Mag-aalas dies na nang makatanggap kami ng tawag mula kay Doc Eric.

Agad pinindot ni Bless ang speakerphone mode.

“Hello, Tito Eric?” sagot dito ni Bless, “May balita po kayo kay Nathan?!”

‘Oo bless, nandyan ba ang tatay n’yo?’ tanong ni Doc  sa kabilang linya.

“Wala pa po!” singit ni Mercy habang nakayuko kaming tatlo sa cellphone sa mesa. “Hinahanap pa po nila si Kuya, nagpunta po ba si Kuya sa inyo?!”

‘...Ganoon na nga...’ natagalan ang sagot ni Doc  Eric. ‘Tawagan n’yo ang tatay n’yo at sabihing na sa `kin si Nathan. May... nagdala kamo sa kan’ya rito sa bahay.’

“Hay, salamat sa Diyos!” nakahinga si Mercy ng malalim, “Thank you tito, at maayos na s’ya, kanina pa kami nag-aalala kay Kuya!”

“Pwede po ba s’yang makausap?” tanong ni Bless.

Muling natahimik ang kabilang linya.

‘...bagsag pa s’ya sa ngayon...’ sagot ni Doc .

“Sabi na nga ba, naglasing