Chapter 83

Pumasok ang sasakyan ni Louie sa garehe. Si Ate Mira ang nagmamaneho nito. Sa paglabas ni Louie sa passenger side ay agad namin s’yang sinalubong.

“`Asan si Kuya?” tanong ni Mercy na sinilip ang likod ng sasakyan.

“Okay na ba lahat, Louie?” tanong ko, ”Bakit parang ang pula ng mukha mo? Kumain na ba kayo?”

”Bakit wala si Kuya? Naiwan ba s’ya kay tito Eric?”

Hindi sumagot si Louie, sa halip ay yumakap s’ya sa aming dalawa ni Mercy at biglang bumigat.

”Ay! Louie! Anong nangyari?” gulat ko’ng tanong.

“Papa? Papa!” tinapik s’ya ni Mercy nang ilang ulit, pero mukhang nawalan s’ya ng malay!

Pilit namin s’yang inalalayan, buti na lang at nandoon sina Ate Mira. Tulong-tulong naming pinasok si Louie sa loob ng bahay at ihiniga sa sofa.

“Anong nangyari?” tanong ni Ate Bless.

“Bigla na lang s’yang hinimatay matapos kaming makita!” sabi ko, “Buti na lang `di s’ya nagd-drive! Buti na lang `di s’ya bumagsak sa