Visiting Tiffany

“So, bakit hindi mo man lang sinabi sa akin?”

Matapos kong makausap si Tiffany sa cellphone ay saka ko lang nlaman ang nangyari sa kaniya. Nang madala si Jeriko sa presinto ay wala na pa lang nag-alaga sa kaniya. Kaya naman ngayon ay sinusubukan niyang kausapin si Dreyk upang makahingi ng pabor dito. Kinuwestiyon ko siya kung bakit hindi niya pinaalam na lang sa pamilya niya ang nangyari, ngunit umiyak lang ito at sinabi na natatakot siya.

Ngayon ay ang asawa ko na ang binalingan ko ulit upang mapakinggan ang isasagot niya sa akin.

“Ahm, Wife…”

“Bakit ba nahihirapan kang umamin ha?”

“U-umamin na ano?” tanong niya sa akin.

“Na ano pa ba? Na tinutulungan mo siya lalo na at wala si Jeriko. Alam mo hubby, wala namang magiging kaso sa akin ‘yon. Naging kaibigan mo pa rin naman siya, lalo na no’ng wala pa ako sa buhay mo. Oo, nainis ako sa kaniya dati, pero ibang usapan naman kasi ito. Wala siyang mapupuntahan at mas lalo na walang mag-aalaga sa kaniya. Siguro nga may mali na nagawa s