CHAPTER 49

HMH-49

"DO you know him, Mommy?" tanong ni Natalie na nakapagpalingon kay Yanna rito.

Seryosong nakatitig naman si Nataniel sa kanyang ina. Habang tila may pagdududa naman sa mukha ng kanyang tyahin.

Matagal muna na hindi nakaimik si Yanna. Nabalik lamang siya sa sarili mula sa pag-iisip, matapos marinig muli na nagsalita si Natalie.

"Hi!" ani Natalie habang nakadungaw sa bintana ng kotse at kumakaway kay Xander.

Napansin ni Yanna na gumanti rin ito ng kaway sa bata.

"Kilala mo ba ang taong iyon?" Baling na tanong kay Yanna ng kanyang tyahin at bahagya pa nitong tinapik ang balikat ni Yanna.

Makahulugang napatitig na lamang si Yanna rito. Bumukas ang gate at nakita ni Yanna ang pagkaway ng kanyang tyuhin kaya kaagad niyang ipinasok ang kotse sa bakuran.

Mabilis na bumaba si Natalie at akmang lalapit sa gate.

"Where are you going?" tanong ni Yanna sa anak.

"I just want to look at that man, Mommy. Para kasing d'un sa kabilang bahay s'ya kanina galing. Baka roon na rin s'ya nakatira."