CHAPTER 48

HMH-48

XANDER

"Natalie?"

Mula sa kanilang kinauupuan ay narinig niya ang tawag na iyon mula sa may edad ng ginang na kasama nina Yanna. Nilingon niya ito at nakita na nagtatanong ito sa ibang mga naroon at bakas sa mukha ang pag-aalala.

"Have you heard that? They're calling you. Sigurado na alalang-alala na sila sa 'yo,"

Lumingon ang batang babae sa tumatawag na ginang at nakangiting itinaas ang dalawang kamay at kumaway.

"I'm here, grandma," malakas din na sigaw ng bata.

Napalingon ang ginang sa gawi nila at patakbong nilapitan si Natalie.

"Jusko, naman bata ka at bakit ba lumayo ka? Pinag-alala mo pa kami nang sobra," Sabi nito habang papalapit.

"I'm sorry, lola," At mabilis na sumalubong ng yakap sa abwela ang bata.

"Salamat nga pala mister at hindi mo hinayaan na lumayo pa itong apo ko," sabi ng ginang kay Xander ngunit bakas sa mukha nito ang labis na pagtataka habang nakatitig sa mukha ni Xander.

"Wala pong anuman, nakakatuwa nga po siyang kausap, eh," tugon ni Xander na