CHAPTER 47

HMH-47

MASAYANG naglalaro ang kambal sa park. Kagaya ng naunang plano niya na gagawin nilang bonding ang araw-araw na magkakasama sila. Nagdala sila ng mga pagkain at kasama rin nila ang kanyang tyahin at asawa nito. Kita niya ang saya at enjoyment sa mukha ng kambal. Kita ang pagiging friendly ni Natalie, habang si Nataniel naman ay tila napaka-mature mag-isip at over protective sa kakambal nito.

Masaya ang dalawa sa pakikihalubilo sa iba. Naging abala naman si Yanna sa pag-aayos ng kanilang dalang matt at mga pagkain.

"Masaya kami na kahit pa-paano binigyan mo ng extra na oras ang mga anak mo. Alam mo ba na ito ang palagi nilang sinasabi kapag namamasyal kami rito? Na isang araw, kasama ka nila na namamasyal dito. Naiinggit kasi sila sa ibang mga bata kapag nakikita nila na kasama nila ang mga parents nila. Salamat naman at ngayon nangyari rin." Masayang sabi ng tyahin niya na tumulong sa kanya sa pag-aayos ng mga pagkain.

"Opo nga, t'yang. Kung hindi nga lang ba dahil sa sobran