32. Desisyon

[Letlet]

Bakit ba palagi nalang dito sa bahay nila ang bagsakan ng mga imported? No'ng una si Lance, tapos dumating sina Mang Garry at Gian, tapos ngayon naman ang babaeng 'to?

Tumingin siya sa babaeng katabi ni Gian na ngayon ay masama ang tingin sa kanya. Simula kahapon ay hindi na nabago ang tingin nito sa kanya—eh, kung tusukin niya kaya ang mata nito?

Pasalamat ang babaeng 'to at maganda ang araw niya simula kahapon dahil nalaman niya na mahal naman pala talaga siya ni Lance.

Pagkatapos nilang ihatid si Birang kahapon sa bahay nito ay hinintay nila ang paggising nito at kinausap at inamin ang tungkol sa kanila—ayon hanggang ngayon ay tulala pa rin.

Nagdesisyon din sila na huwag munang ipaalam sa ibang taga-isla ang tungkol sa kanila. Mas mabuti na si Lola Asun muna ang sunod na makaalam para ito na ang magpaliwanag sa lahat.

"My God! Ang sama naman ng lasa nito!" Reklamo ni Chloe na kinalukot ng kanyang mukha.

Tumingin siya kay Lance na nasa tabi niya. Nakangiti na binaba nito ang