35. Panaginip

[Letlet]

NAKIIYAK na rin siya kina Birang habang namamaalam sa pamilya nito.

Narito na sila ngayon sa tinatawag nilang bayan. At syempre pa bago sila sumakay ng panibagong bangka ay nag iyakan muna sila.

Wala ng atrasan 'to. Sasama na talaga siya kay Lance para harapin ang mundo nito.

Hinila niya ang kamay ng hawakan 'yon ni Lance. Hindi pa kasi nakakaalis ang magulang at kapatid ni Birang. Baka mamaya ay makita pa sila nito.

Ang sinabi pa naman nilang dahilan ay pupuntahan nila ang Lola Asun niya para sunduin, kahit ang totoo ay ipakikilala na siya ni Lance sa Lolo nito at sasabihin ang lahat ng ginawa ng tiyuhin nito.

Matapos ang mahaba-habang iyakan ay nagpaalam na sila sa mga ito at sumakay sa mas malaking bangka. Mas matagal daw ang biyahe nila ngayon. Aabutin sila ng gabi sa daan pero ayos lang. Hindi siya natatakot ngayon maski sa tsokoy pa. Kasama kasi niya si Lance kaya wala siyang dapat ikatakot.

Maraming sakay ang bangka. Katulad ni Birang ay napakaraming dala ng iba.

Kini